Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Itivuttaka
Musāvādasutta (ITI25)
- Thông tin
- Mã SuttaCentral: ITI25
Itivuttaka 25
Ekakanipāta
Tatiyavagga
Musāvādasutta
Vuttañhetaṁ bhagavatā vuttamarahatāti me sutaṁ:
“Ekadhammaṁ atītassa, bhikkhave, purisapuggalassa nāhaṁ tassa kiñci pāpakammaṁ akaraṇīyanti vadāmi.
Katamaṁ ekadhammaṁ?
Yadidaṁ, bhikkhave, sampajānamusāvādo”ti.
Etamatthaṁ bhagavā avoca.
Tatthetaṁ iti vuccati:
“Ekadhammaṁ atītassa,
musāvādissa jantuno;
Vitiṇṇaparalokassa,
natthi pāpaṁ akāriyan”ti.
Ayampi attho vutto bhagavatā, iti me sutanti.
Pañcamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.