Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Ariyavohārasutta (AN8.68)
- Thông tin
- Mã SuttaCentral: AN8.68
Aṅguttara Nikāya 8.68
7. Bhūmicālavagga
Ariyavohārasutta
“Aṭṭhime, bhikkhave, ariyavohārā.
Katame aṭṭha?
Adiṭṭhe adiṭṭhavāditā, asute asutavāditā, amute amutavāditā, aviññāte aviññātavāditā, diṭṭhe diṭṭhavāditā, sute sutavāditā, mute mutavāditā, viññāte viññātavāditā.
Ime kho, bhikkhave, aṭṭha ariyavohārā”ti.
Aṭṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.