Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Paṭhamadānasutta (AN8.31)
- Thông tin
- Mã SuttaCentral: AN8.31
Aṅguttara Nikāya 8.31
4. Dānavagga
Paṭhamadānasutta
“Aṭṭhimāni, bhikkhave, dānāni.
Katamāni aṭṭha?
Āsajja dānaṁ deti,
bhayā dānaṁ deti,
‘adāsi me’ti dānaṁ deti,
‘dassati me’ti dānaṁ deti,
‘sāhu dānan’ti dānaṁ deti,
‘ahaṁ pacāmi, ime na pacanti; nārahāmi pacanto apacantānaṁ dānaṁ adātun’ti dānaṁ deti,
‘imaṁ me dānaṁ dadato kalyāṇo kittisaddo abbhuggacchatī’ti dānaṁ deti,
cittālaṅkāracittaparikkhāratthaṁ dānaṁ deti.
Imāni kho, bhikkhave, aṭṭha dānānī”ti.
Paṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.