Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Paṭhamabandhanasutta (AN8.17)
- Thông tin
- Mã SuttaCentral: AN8.17
Aṅguttara Nikāya 8.17
2. Mahāvagga
Paṭhamabandhanasutta
“Aṭṭhahi, bhikkhave, ākārehi itthī purisaṁ bandhati.
Katamehi aṭṭhahi?
Ruṇṇena, bhikkhave, itthī purisaṁ bandhati;
hasitena, bhikkhave, itthī purisaṁ bandhati;
bhaṇitena, bhikkhave, itthī purisaṁ bandhati;
ākappena, bhikkhave, itthī purisaṁ bandhati;
vanabhaṅgena, bhikkhave, itthī purisaṁ bandhati;
gandhena, bhikkhave, itthī purisaṁ bandhati;
rasena, bhikkhave, itthī purisaṁ bandhati;
phassena, bhikkhave, itthī purisaṁ bandhati.
Imehi kho, bhikkhave, aṭṭhahākārehi itthī purisaṁ bandhati.
Te, bhikkhave, sattā subaddhā, ye phassena baddhā”ti.
Sattamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.