Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Uddhaccasutta (AN6.116)
- Thông tin
- Mã SuttaCentral: AN6.116
Aṅguttara Nikāya 6.116
11. Tikavagga
Uddhaccasutta
“Tayome, bhikkhave, dhammā.
Katame tayo?
Uddhaccaṁ, asaṁvaro, pamādo.
Ime kho, bhikkhave, tayo dhammā.
Imesaṁ kho, bhikkhave, tiṇṇaṁ dhammānaṁ pahānāya tayo dhammā bhāvetabbā.
Katame tayo?
Uddhaccassa pahānāya samatho bhāvetabbo, asaṁvarassa pahānāya saṁvaro bhāvetabbo, pamādassa pahānāya appamādo bhāvetabbo.
Imesaṁ kho, bhikkhave, tiṇṇaṁ dhammānaṁ pahānāya ime tayo dhammā bhāvetabbā”ti.
Dasamaṁ.
Tikavaggo ekādasamo.
Tassuddānaṁ
Rāgaduccaritavitakka,
Saññā dhātūti vuccati;
Assādaaratituṭṭhi,
Duve ca uddhaccena vaggoti.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.