Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Duccaritasutta (AN6.108)
- Thông tin
- Mã SuttaCentral: AN6.108
Aṅguttara Nikāya 6.108
11. Tikavagga
Duccaritasutta
“Tayome, bhikkhave, dhammā.
Katame tayo?
Kāyaduccaritaṁ, vacīduccaritaṁ, manoduccaritaṁ.
Ime kho, bhikkhave, tayo dhammā.
Imesaṁ kho, bhikkhave, tiṇṇaṁ dhammānaṁ pahānāya tayo dhammā bhāvetabbā.
Katame tayo?
Kāyaduccaritassa pahānāya kāyasucaritaṁ bhāvetabbaṁ, vacīduccaritassa pahānāya vacīsucaritaṁ bhāvetabbaṁ, manoduccaritassa pahānāya manosucaritaṁ bhāvetabbaṁ.
Imesaṁ kho, bhikkhave, tiṇṇaṁ dhammānaṁ pahānāya ime tayo dhammā bhāvetabbā”ti.
Dutiyaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.