Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Upasampādetabbasutta (AN5.251)
- Thông tin
- Mã SuttaCentral: AN5.251
Aṅguttara Nikāya 5.251
26. Upasampadāvagga
Upasampādetabbasutta
“Pañcahi, bhikkhave, dhammehi samannāgatena bhikkhunā upasampādetabbaṁ.
Katamehi pañcahi?
Idha, bhikkhave, bhikkhu asekhena sīlakkhandhena samannāgato hoti;
asekhena samādhikkhandhena samannāgato hoti;
asekhena paññākkhandhena samannāgato hoti;
asekhena vimuttikkhandhena samannāgato hoti;
asekhena vimuttiñāṇadassanakkhandhena samannāgato hoti.
Imehi kho, bhikkhave, pañcahi dhammehi samannāgatena bhikkhunā upasampādetabban”ti.
Paṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.