Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Dutiyaduccaritasutta (AN5.245)
- Thông tin
- Mã SuttaCentral: AN5.245
Aṅguttara Nikāya 5.245
25. Duccaritavagga
Dutiyaduccaritasutta
“Pañcime, bhikkhave, ādīnavā duccarite.
Katame pañca?
Attāpi attānaṁ upavadati;
anuvicca viññū garahanti;
pāpako kittisaddo abbhuggacchati;
saddhammā vuṭṭhāti;
asaddhamme patiṭṭhāti.
Ime kho, bhikkhave, pañca ādīnavā duccarite.
Pañcime, bhikkhave, ānisaṁsā sucarite.
Katame pañca?
Attāpi attānaṁ na upavadati;
anuvicca viññū pasaṁsanti;
kalyāṇo kittisaddo abbhuggacchati;
asaddhammā vuṭṭhāti;
saddhamme patiṭṭhāti.
Ime kho, bhikkhave, pañca ānisaṁsā sucarite”ti.
Pañcamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.