Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Maccharīsutta (AN5.224)
- Thông tin
- Mã SuttaCentral: AN5.224
Aṅguttara Nikāya 5.224
23. Dīghacārikavagga
Maccharīsutta
“Pañcime, bhikkhave, ādīnavā atinivāse.
Katame pañca?
Āvāsamaccharī hoti, kulamaccharī hoti, lābhamaccharī hoti, vaṇṇamaccharī hoti, dhammamaccharī hoti.
Ime kho, bhikkhave, pañca ādīnavā atinivāse.
Pañcime, bhikkhave, ānisaṁsā samavatthavāse.
Katame pañca?
Na āvāsamaccharī hoti, na kulamaccharī hoti, na lābhamaccharī hoti, na vaṇṇamaccharī hoti, na dhammamaccharī hoti.
Ime kho, bhikkhave, pañca ānisaṁsā samavatthavāse”ti.
Catutthaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.