Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Dutiyaapāsādikasutta (AN5.218)
- Thông tin
- Mã SuttaCentral: AN5.218
Aṅguttara Nikāya 5.218
22. Akkosakavagga
Dutiyaapāsādikasutta
“Pañcime, bhikkhave, ādīnavā apāsādike.
Katame pañca?
Appasannā nappasīdanti, pasannānañca ekaccānaṁ aññathattaṁ hoti, satthusāsanaṁ akataṁ hoti, pacchimā janatā diṭṭhānugatiṁ āpajjati, cittamassa nappasīdati.
Ime kho, bhikkhave, pañca ādīnavā apāsādike.
Pañcime, bhikkhave, ānisaṁsā pāsādike.
Katame pañca?
Appasannā pasīdanti, pasannānañca bhiyyobhāvo hoti, satthusāsanaṁ kataṁ hoti, pacchimā janatā diṭṭhānugatiṁ āpajjati, cittamassa pasīdati.
Ime kho, bhikkhave, pañca ānisaṁsā pāsādike”ti.
Aṭṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.