Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Paṭhamaakkhantisutta (AN5.215)
- Thông tin
- Mã SuttaCentral: AN5.215
Aṅguttara Nikāya 5.215
22. Akkosakavagga
Paṭhamaakkhantisutta
“Pañcime, bhikkhave, ādīnavā akkhantiyā.
Katame pañca?
Bahuno janassa appiyo hoti amanāpo, verabahulo ca hoti, vajjabahulo ca, sammūḷho kālaṁ karoti, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.
Ime kho, bhikkhave, pañca ādīnavā akkhantiyā.
Pañcime, bhikkhave, ānisaṁsā khantiyā.
Katame pañca?
Bahuno janassa piyo hoti manāpo, na verabahulo hoti, na vajjabahulo, asammūḷho kālaṁ karoti, kāyassa bhedā paraṁ maraṇā sugatiṁ saggaṁ lokaṁ upapajjati.
Ime kho, bhikkhave, pañca ānisaṁsā khantiyā”ti.
Pañcamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.