Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Asappurisadānasutta (AN5.147)
- Thông tin
- Mã SuttaCentral: AN5.147
Aṅguttara Nikāya 5.147
15. Tikaṇḍakīvagga
Asappurisadānasutta
“Pañcimāni, bhikkhave, asappurisadānāni.
Katamāni pañca?
Asakkaccaṁ deti, acittīkatvā deti, asahatthā deti, apaviddhaṁ deti, anāgamanadiṭṭhiko deti.
Imāni kho, bhikkhave, pañca asappurisadānāni.
Pañcimāni, bhikkhave, sappurisadānāni.
Katamāni pañca?
Sakkaccaṁ deti, cittīkatvā deti, sahatthā deti, anapaviddhaṁ deti, āgamanadiṭṭhiko deti.
Imāni kho, bhikkhave, pañca sappurisadānānī”ti.
Sattamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.