Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Dussīlasutta (AN4.220)
- Thông tin
- Mã SuttaCentral: AN4.220
Aṅguttara Nikāya 4.220
22. Parisāvagga
Dussīlasutta
“Catūhi, bhikkhave, dhammehi samannāgato yathābhataṁ nikkhitto evaṁ niraye.
Katamehi catūhi?
Assaddho hoti, dussīlo hoti, kusīto hoti, duppañño hoti—
imehi kho, bhikkhave, catūhi dhammehi samannāgato yathābhataṁ nikkhitto evaṁ niraye.
Catūhi, bhikkhave, dhammehi samannāgato yathābhataṁ nikkhitto evaṁ sagge.
Katamehi catūhi?
Saddho hoti, sīlavā hoti, āraddhavīriyo hoti, paññavā hoti—
imehi kho, bhikkhave, catūhi dhammehi samannāgato yathābhataṁ nikkhitto evaṁ sagge”ti.
Dasamaṁ.
Parisasobhaṇavaggo dutiyo.
Tassuddānaṁ
Parisā diṭṭhi akataññutā,
Pāṇātipātāpi dve maggā;
Dve vohārapathā vuttā,
Ahirikaṁ duppaññena cāti.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.