Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Ayonisosutta (AN3.5)
- Thông tin
- Mã SuttaCentral: AN3.5
Aṅguttara Nikāya 3.5
1. Bālavagga
Ayonisosutta
“Tīhi, bhikkhave, dhammehi samannāgato bālo veditabbo.
Katamehi tīhi?
Ayoniso pañhaṁ kattā hoti, ayoniso pañhaṁ vissajjetā hoti, parassa kho pana yoniso pañhaṁ vissajjitaṁ parimaṇḍalehi padabyañjanehi siliṭṭhehi upagatehi nābbhanumoditā hoti.
Imehi kho, bhikkhave, tīhi dhammehi samannāgato bālo veditabbo.
Tīhi, bhikkhave, dhammehi samannāgato paṇḍito veditabbo.
Katamehi tīhi?
Yoniso pañhaṁ kattā hoti, yoniso pañhaṁ vissajjetā hoti, parassa kho pana yoniso pañhaṁ vissajjitaṁ parimaṇḍalehi padabyañjanehi siliṭṭhehi upagatehi abbhanumoditā hoti.
Imehi kho, bhikkhave, tīhi dhammehi samannāgato paṇḍito veditabbo.
Tasmātiha …pe….
Pañcamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.