Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Aṅguttara Nikāya
Sīlavantasutta (AN3.46)
- Thông tin
- Mã SuttaCentral: AN3.46
Aṅguttara Nikāya 3.46
5. Cūḷavagga
Sīlavantasutta
“Yaṁ, bhikkhave, sīlavanto pabbajitā gāmaṁ vā nigamaṁ vā upanissāya viharanti.
Tattha manussā tīhi ṭhānehi bahuṁ puññaṁ pasavanti.
Katamehi tīhi?
Kāyena, vācāya, manasā.
Yaṁ, bhikkhave, sīlavanto pabbajitā gāmaṁ vā nigamaṁ vā upanissāya viharanti.
Tattha manussā imehi tīhi ṭhānehi bahuṁ puññaṁ pasavantī”ti.
Chaṭṭhaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.